Carmiña Sierra, A primeira muller do Seminario de Estudos Galegos, é o libro que o Ateneo ten a honra de presentar o d martes 4 de xuño, a partir das 19.30horas, na biblioteca da EMAO. No acto contaremos coa participación da autora, Aurora Marco, e coa do noso compañeiro Carlos L. Bernárdez como presentador.
O libro elixido polo Club de lectura para ler ao longo do mes de maio (xuntanza o 5 de maio, ás 18.30 horas, no local do Ateneo), é Persépole, de Marjane Satrapi.
O segundo Faladoiro do ciclo Os mundos científicos de Vigo terá lugar o luns 10 de xuño, coma sempre ás 19.30 no edificio Redeiras da Universidade de Vigo. Nesta ocasión falaremos de Enxeñería da privacidade con Carmela González Troncoso, da EPFL de Lausanne e Fernando Pérez González, da Universidade de VIgo.
A Universidade de Vigo, en colaboración co Ateneo Atlántico organiza o ciclo de coloquios divulgativos Faladoiros no Berbés baixo o epígrafe xenérico Os mundos científicos de Vigo. As actividades terán lugar os días 3, 10 e 13 de xuño, no edificio Redeiras, a partir das 19.30 horas.
O terceiro, e último Faladoiro, dentro do ciclo Os mundos científicos de Vigo, será o 12 xuño coa presenza de Jorge Otero Millán (University of California, Berkeley) que falará sobre Tecnoloxía e aplicacións de movementos oculares; estará acompañado por Humberto Michinel da Universidade de VIgo. Como nos casos anteriores terá lugar no edificio Redeiras a partir das 19.30 horas.
Un ano máis, fiel á súa cita, o Ateneo celebra o acto de entrega de premios da edición 2024 do seu certame Exeria. No acto, a madriña desta edición e presidenta do xurado, Inma López Silva, fará público o fallo do xurado encargado da valoración de orixinais. Ademais das palabras das representantes da organización, Ateneo Atlántico e Fundación Xoán Piñeiro, contaremos coa actuación musical de Uxía Senlle. Remataremos o acto cun viño galego acompañado de petiscos. Lembra, xoves 13 de xuño, ás 19.30 horas, na biblioteca da EMAO.
O Ateneo Atlántico pecha a tempada de saídas cunha visita á Ribeira Sacra. Será o sábado 15 de xuño e programa inclúe un percorrido da man das amigas de Máis que Románico, cata e pinchos na adega Cruceiro de Vilachá, comida en restaurante típico e visita a olería Retoral de Gundivós.
O Ateneo Atlántico de Vigo ten o pracer e a honra de de anunciar o acto de recoñecemento a María Xosé Porteiro como Socia de Honra do Ateneo. Terá lugar o martes 1 de outubro de 2024, ás 19 horas, na biblioteca da EMAO.