O mércores 20 de febreiro, ás 19.30 horas, na EMAO, presentamos o libro Galicia, distrito indutrial (Galaxia, 2024). O autor, Antón Baamonde, estará acompañado de Edelmiro Ulloa, Santiago Lago, Jesús González, Bibiana Rodiño, Daniel Hermosilla e Xosé M. Soutullo.
O Ateneo Atlántico organiza unha saída para o sábado 29 de febreiro. Percorreremos o Baixo Miño galego-portugués con paradas no taller de Cuqui Piñeiro, na adega Terras Gaudas e en varios lugares para coñecer a arte e a historia das fortalezas en ambos lados da fronteira. A comida será en Tui.
Co gallo do cabodano de Álvaro Cunqueiro, o Ateneo Atlántico propón esta actividade para lembrar a esta figura imprescindible das letras galegas. Xesús Alonso Montero falará sobre "O latín, como 'divinas palabras', na obra de Cunqueiro". Será o luns 26 de febreiro, ás 19.30 horas, na biblioteca da EMAO. O acto será presentado por Xina Vega e Su Garrido Pombo interpretará unha canción baseada nun poema de Cunqueiro.
O Ateneo Atlántico presenta a actividade O papel fundacional das galegas no feminismo cubano, prestando especial atención á figura de Andrea López Chao. No acto estará presente María Xosé Porteiro, Violeta Ramos e Patricia Ares, neta de Andrea. Terá lugar o martes 27 de febreiro ás 19.30 horas, na EMAO, e será presentado pola nosa presidenta, Luísa Abad.
Luces e sombras como recurso creativo é o subtítulo do curso Falamos de fotos que convoca o Ateneo Atlántico. As xuntantas terán lugar tres mércores consecutivos a partir do 21 de febreiro, en horario de 11 a 13.30 horas, na EMAO.
A orixe das especies, As outras xenealoxías da Arte contemporánea, curso organizado pola Asociación Amiga do Marco en colaboración co Ateneo Atlántico. Profesor Suso Fandiño. Mércores 31 de xaneiro e 1, 14 e 21 de febreiro, de 19 a 21 horas, no MARCO.
O xoves 29 de febreiro, ás sete da tarde, temos organizada unha visita guiada á exposición Pinceladas do esquecemento; Molíns-Chao, artistas viguesas do século XIX, que se exhibe na actualidade na Pinacoteca Fernández del Riego. A visita será da man do comisario da exposición José Luís Mateo. Dado que temos limitado o número de prazas, será imprescindible a reserva previa.
Esther Estévez (presentadora e directora do Dígocho Eu! TVG) e Xurxo Martínez (filoloxía galega), conversarán aredor da situación actual da lingua galega. Realmente, estamos a coidar o galego? Será o martes 5 de marzo, ás 19.30 horas, na biblioteca da EMAO. A entrada será libre ata completar o aforo.