O Ateneo Atlántico de Vigo ten o pracer e a honra de de anunciar o acto de recoñecemento a María Xosé Porteiro como Socia de Honra do Ateneo. Terá lugar o martes 1 de outubro de 2024, ás 19 horas, na biblioteca da EMAO.
O Club de lectura do Ateneo Atlántico, e en lugar do habitual, que é un libro, selecciona como temática de lectura para este verán a un autor: Paul Auster. En concreto ponse como deberes para o verán a lectura dos dous libros de Auster traducidos ao galego: Un home na escuridade (lectura principal) e Brooklyb Follies (lectura complementaria), ambos editados por Galaxia.
O martes 8 de outubro, ás 19.30 horas presentamos o libro As tres vidas e as catro mortes de Roberto Seoane (Medulia Editorial), de Serafín Parcero. Será na biblioteca da EMAO e ao longo do acto, o autor, Serafín Parcero, dialogará con Xulio Abalde.
O martes 15 de outubro, na biblioteca da EMAO, a partir das 19.30 horas, Gonzalo Navaza falará con nós sobre toponimia galega. O acto será presentado por X. Carlos L. Bernárdez.
O Ateneo Atlántico, en colaboración coa Plataforma para a defensa da ría de Arousa, a Plataforma Ulloa Viva, e Verdegaia, organiza un acto informativo sobre as consecuencias medioambientais da construción dunha megafactoría na serra de Caerón, en Lugo, por parte da empresa Altri.
O vindeiro 17 de outubro, xoves, o o noso amigo e asociado José G. Barral (Chiño), presenta con nós o seu último libro. Leva por título Blues da Florida, e no acto estará acompañado por Fernando Franco. A presentación terá lugar na Casa do Libro (rúa Velázquez Moreno) a partir das 19.30 horas.
Mesa redonda arredor do deterioro da sanidade pública en Galicia e proxección do documental "DEP Destruír era o plan". Martes 22 de outubro, na EMAO, a partir das 19.30.
O Ateneo Atlántico comprácese en anunciar o acto de presentación do documental A última dorna de Ons, de Anxo Cabada e Antón Davila. O acto terá lugar no Museo do Mar de Galicia (Avenida de Atlántida 160) ás 19.30 horas do mércores 23 de outubro. Estarán presentes os dous autores que serán presentados por Xosé Carlos L. Bernárdez.