O día 7 de Xuño de 2023 xuntámonos 19 persoas, no Espazo Cubo, para despedir o ano do noso benquerido Club de Lectura. Desta volta acompañounos un magnífico cómic de Miguelanxo Prado, “Ardalén”, que meritou no 2013, O Premio Nacional de Cómic.
O pasado xoves 25 de maio tivo lugar a primeira edición do roteiro Entre esculturas; esta actividade, organzinada polo Anteneo Atlántico, o Instituto de estudos vigueses e a Fundación Xoán Piñeiro, tiña como obxecto poñer en valor o patrimonio de esculturas da nosa cidade. Esta primeira saída foi arredor da praza de As Travesas.
Na tarde do 30 de maio Priscila Retamozo e Cristina Louzán, e co título xenérico ‘De aquelas loitas, estes dereitos, falaron amplamente da historia do feminismo.
O sábado 27 de maio de 2023 fixemos anosa saída de primavera, nesta ocasión, coa intención de seguir Os camiños de Rosalía. Ademais dos espazos rosalianos, comemos no Fogar do Santiso e pola tarde visitamos as fervenzas de Barosa e a adega Moraima.
O mércores 24 de maio, nun local totalmente ateigado, Magis Zunzunegui presentonunos unha das súas películas de cabeceira, a premiada Lèolo, do director canadense Jean-Claude Lauzon.
Parce que moi je rêve, moi je ne suis pas (porque soño, eu non estou).
O día 3 de Maio de 2023 reunímonos 15 persoas, no Espazo Cubo, para afondar ao redor de “Memorias de Leticia Valle” de Rosa Chacel.
Vídeo, íntegro, do acto de homenaxe a Xosé Manuel Beiras organizado polo Ateneo Atlántico e celebrado o 25 de abril de 2023.
Nunha sala ateigada de público, o profesor Burghard Baltruzch desenvolveu para as persoas asistentes un espléndido relato sobre José Saramago, entre o poético e o político. Foi presentado polo profesor Félix Caballero.
O 12 de abril de 2023 reunímonos 22 persoas do club de lectura para debater sobre O muiñeiro ouveador de Arto Paasilinna. Tivo moi boa aceptación, pareceunos unha sátira moi lograda que denuncia a sociedade actual, en especial ás autoridades que a gobernan e algunha das institucións, en especial aos manicomios, a policía e a banca.
O pasado 13 de abril celebramos as Asembleas Xerais Ordinaria e Extraordinaria do Ateneo Atlántico. Na Ordinaria fíxose balance das actividade do ano e se presentaron e aprobaron as contas anuais.
Na Asemblea Extraordinaria procedeuse á votación da nova Xunta Directiva que estará presidida por Luísa Abad.