O Ateneo Atlántico prácese en convidalo á presentación do libro de Xabier Paz O libro e o tapiz (Edicións Xerais). O acto, coa presenza do autor e de Amada Traba e Xulio Abalde terá lugar o martes 10 de outubro, ás 19 horas, na biblioteca da EMAO.
Para inaugurar o novo curso cultural do Ateneo, temos argallada a nosa habitual saída de outono.
Nesta ocasión, e recollendo as demandas da nosa afiliación, decidimos pasar dous días na contorna do Porto. Para isto eliximos os días 14 (sábado) e 15 de outubro.
O Café Vitruvia, en colaboración co Ateneo Atlántico, organiza a sesión histórico-lúdico-vitícola "Os cafés históricos de Vigo". Fala e dirixe a sesión: Xavier Castro. O acto terá lugar o martes 17 de outubro, ás 20 horas, no café Vitruvia (Praza de Compostela, 5. Vigo). Serviranse viños da Adega Son de Arrieiro (D.O. Ribeiro) e intervirá a adegueira Xulia Bande.
Economía feminista. Sobre epítetos, oxímoron e outros paradoxos. Como pode ser que o enfoque da economía non sexa feminista. Arredor deste título tan atraente conversan Coral del Río e Amada Traba. Será o xoves 19 de outubro, ás 17.30 horas, na Casa Galega da Cultura.
Na nosa sección de cine (cinemAteneo) o próximo 23 de outubro, luns, veremos e comentaremos o documental Memorias Rotas, de Manane Rodríguez. Será ás 19.30 horas nos Multicines Norte e contaremos coa presenza da directora e a presentación de Emilio Fernández Zunzunegui. En el pueblo de Acebo - pueblo de pocos amigos,donde matan a los...
O martes 24 de outubro estará con nós a psicóloga e psicoterapeuta Carmen Lorenzo para falar sobre Saúde mental e social. O acto terá lugar na biblioteca da EMAO e comezará ás 19.30 horas.
No ano do Centenario do Celta, o Ateneo Atlántico quere sumarse aos actos de conmemoración deste fito fundamental na historia do club e, tamén, da cidade de Vigo.
No acto, que terá lugar o xoves 26 de outubro na Casa Galega da Cultura (Praza da Princesa 2), intervirán Manuel Bragado (editor), Jacobo Buceta (periodista) e Ana Guantes (periodista).
Será de libre asistencia ata completar aforo.
O martes 31 de outubro, o profesor e xornalista Luís Álvarez Pousa estará con nós para falar do seu último libro: Medios e políticos, baixo sospeita; 1990-2023. Será ás 19.30 horas na biblioteca da EMAO e estará acompañado de Xulio Ríos e María Xosé Porteiro.