Deixóunos Xosé Manuel Beiras, socio de honrra do Ateneo Atlántico e unha figura clave para entender a dignidade e a cultura do noso pobo.
Grazas pola túa lucidez, polo teu exemplo e por abrir camiños dende a palabra e o compromiso absoluto con Galicia
A túa memoria fica sempre en nós.
Presentamos o vídeo gravado no acto de homenaxe a Manolo Bragado no que foi recibido como socio de honra do Ateneo Atlántico. O acto tivo lugar no salón Vitruvia o pasado 23 de setembro e contou coa participación de María Jesús Bragado, Jacobo Buceta, Ledicia Costas, Xosé María Palmeiro e Amada Traba. A actuación musical correu a cargo de Nausica.
Vídeo do acto conxunto organizado pola Federación de Ateneos de Galicia como homenaxe a Castelao. A homenaxe tivo lugar o pasado 14 de xuño en Rianxo.
A xornada completouse con diferentes actividades de confraternización entre asociadas e asociados dos ateneos galegos.
O Ateneo Atlántico de Vigo presenta o seu vídeo anual para conmemorar o Día das letras galegas.
Nesta ocasión a xornada está dedicada ás Cantareiras e Pendeireteiras; o noso vídeo, ademais de lembrar estas figuras imprescindibles para a tradición oral galega, lembra tamén momentos da manifestación en defensa da Lingua Galega celebrada en Compostela o 23 de febreiro.
Hoxe presentamos o vídeo da charla de Xesús Alonso Montero con motivo do ano Castelao. Falou para nós sobre Castelao nos anos da Guerra Civil e, máis concretamente, da súa viaxe á Unión Soviética. O acto celebrouse nunha biblioteca da EMAO ateigada de público.