Navegación de busca e vistas de eventos

Navegación de vistas de Evento

Hoxe

2024-04-22 MerendolaFeminista2

Segunda Merendola Feminista

Espazo Ateneo Doutor Cadaval 17, Vigo, Pontevedra, Spain

Despois do éxito da primeira, a comisión de igualdade do Ateneo Atlántico invítanos a unha segunda merendola. Trátase, simplemente, de xuntármonos para falar dun tema que nos afecte directamente arredor dunha merenda que nós traemos. Dado que nos faltou tempo, pensamos en continuar a parolada arredor do tema da Sexualidade feminina. Animádevos a participar! E traede algo rico! Será o mércores 22 de abril, a partir das 18 horas no local do Ateneo.

2024-04-22 Presenta XinaVega

Presentación libro, Xina Vega

Biblioteca da EMAO Rúa García Barbón 5, Vigo, Galicia, Spain

O luns 22 de abril, ás 19.30, na biblioteca da EMAO, a nosa amiga e afiliada Xina Vega presenta con nós o seu último libro, O teu perfil na miña sombra (Diario dunha nai). No acto estará acompañada de Carme Adán, Inma López Silva e Marcos Calveiro.

2024-04-23 PoeticaTrasatlantica

A poética trasatlántica

Biblioteca da EMAO Rúa García Barbón 5, Vigo, Galicia, Spain

A poética trasatlántica é o tema arredor do que conversan Alberto Avendaño e María Xosé Porteiro. O acto terá lugar na biblioteca da EMAO, o martes 23 de abril, a partir das 19.30 horas. Ademais, Alberto Avendaño recitará algúns dos seus poemas.

2024-05-04 PoeticaEnAccion

Que a forza nos acompañe

Marco Rúa do Príncipe, 54, Vigo, Galicia, Spain

A Agrupación Amiga do Marco, en colaboración co Ateneo Atlántico, presenta o acto Que a forza nos acompañe, Poética en acción. Será nos locais do Marco, o 4 de maio, a partir das 19.30 horas. No acto, que segue o modelo de Entrada inversa, participarán Silvia Penas, Ana Corzo, Samuel Merino, Nila A. Pousa, Acoyani Guzmán e Noelia & Rui Grenha.

2024-05-08-ClubLecturaAbrilBarnes

Club de lectura de abril

Espazo Ateneo Doutor Cadaval 17, Vigo, Pontevedra, Spain

O libro seleccionado polo Club de lectura do Ateneo Atlántico para o mes de abril é La única historia, de Julián Barnes. A xuntanza terá lugar o martes 7 de maio, ás 19.30 horas no local do Ateneo. Lembramos que o Club de lectura está aberto a todas aquelas persoas que queiran participar.

2024-05-08-CineMullerMontanha

cinemAteneo. A muller da montaña

Multicines Norte Via Norte 22, Vigo, Pontevedra, Spain

O mércores 8 de maio, o cinemAteneo presenta a películoa A muller da montataña, de Benedikt Erlingsson. Será ás 19.30 horas, nos Multicines Norte.

Asemblea ordinaria 2024

Espazo Ateneo Doutor Cadaval 17, Vigo, Pontevedra, Spain

A Xunta directiva do Ateneo Atlántico de Vigo convoca a Asemblea anual ordinaria correspondente ao ano 2004. Terá lugar o xoves 9 de maio, ás 19.30 horas, na sede social do Ateneo, na rúa Doutor Cadaval 17.

2024-05-25 ConvocatoriaExeria2024

Convocatoria Exeria 2024

O día 10 de maio remata o prazo de presentación de orixinais para participar na Cuarta Edición do Certame Exeria de Relato curto correspondente ao presente ano 2024. Os escritos, orixinais, inéditos e non premiados xirarán arredor do tema 'Vigo, aldea de noso'. As bases completas poden consultarse en ateneoatlantico.gal