No ano Castelao, Xesús Alonso Montero achéganos a un período clave da súa vida, os anos da Guerra civil española (Visita á Unión Soviética: prosovietismo e filocomunismo). Será o martes 11 de febreiro, a partir das 19.30 horas, na biblioteca da EMAO. Presenta Laura Caveiro.
A película do mes do cinemAteneo será The Apprentice (O aprendiz), A proxección e posterior coloquio terán lugar o mércores 12 de febreiro, a partir das 19.30 horas nos multicines Norte. Os principios de Donald Trump no Nova York dos anos 70.
O vindeiro martes 18 de febreiro, ás 19.30, na EMAO, o Ateneo Atlántico presenta o acto O dereito á vida e á morte digna. Participarán Isabel Blanco (Presidenta de DMD), Elvira Landín (avogada), e Noa Pazos (médica internista); no acto proxectaremos o filme documental Laura.
Licenciada en Xeografía e Historia, na especialidade de Historia da Arte, pola Universidade de Santiago de Compostela en 1996, e doutora en Arqueoloxía pola Universidade do País Vasco en 2015. Traballa no estudo das construcións históricas dende unha perspectiva arqueolóxica. É profesora da Facultade de Xeografía e Historia da USC e membro do Consello da Cultura Galega. Pertence ao Consello de Redacción da revista do CSIC Arqueoloxía da Arquitectura e ao Consello Asesor da Revista do CSIC Cadernos de Arqueoloxía e Patrimonio (CAPA).
Foi a coordinadora do informe que vén de presentar o Consello da Cultura Galega Enerxía eólica e paisaxes culturais en Galicia, sobre o impacto dos eólicos no patrimonio natural, paisaxístico e cultural.
Os anos tranquilos, de Llerena Perozo Porteiro, é o libro elixido polo Club de lectura do Ateneo Atlántico para ler ao longo do mes de febreiro. A xuntanza terá lugar o martes 5 de marzo, a partir das 18.30 horas no espazo Ateneo. Na xuntanza contaremos coa presenza da autora.
O Ateneo Atlántico conmemora o 8M de 2025 visibilizando o papel das mulleres na ciencia. O vídeo anual está dedicado ás científicas (ver na nosa canle de Youtube) e o 11 de marzo teremos un acto que demos en titular "Mulleres científicas: Camiño á paridade" e no que participan Verónica Salgueiriño (química, investigadora e profesora universitaria), Laura Filloy (arqueóloga, periodista científica) e Soledad Torres (enxeñeira de telecomunicación, profesora universitaria); será a partir das 19.30 horas na Casa Galega da Cultura, e actuará como presentadora Amada Traba.
A Xunta Directiva da Asociación Ateneo Atlántico convoca a para 12 de marzo ás 19.30 horas en primeira convocatoria e ás 20 horas de non haber quórum en segunda , no local habitual (Doutor Cadaval 17) a súa Asemblea Ordinaria de socixs correspondente ao ano 2025.
Convoca, tamén, e a continuación, unha Asemblea Extraordinaria para a elección da Xunta Directiva, segundo as ordes do día que se xuntan.
O Ateneo Alántico prácese en organizar un acto arredor do tema "Historia e arqueoloxía da guerrilla nos montes de Casaio". Intervirán Mario Pereiro, Fran Alonso e Paco Macías. O acto terá lugar o venres 14 de marzo, a partir das 19.30 horas, na Casa Galega da Cultura (Praza da Princesa), e será presentado por María Gómez Faro.