O Ateneo Atlántico prácese en presentar en Vigo o libro-disco Fremosas, de Barahúnda. No acto contaremos coa presenza de Helena de Alfonso e Jose Lara Gruñeiro (Barahúnda) que, ademais de presentar a súa obra interpretarán algunhas das cacións do disco.
Será o xoves 14 de novembro, ás 19.30 horas, na biblioteca da EMAO.
Para conmemorar o 25N este ano sentámonos para conversar arredor dun tema tan suxerente como "A sanidade que non ama as mulleres". Será o martes 19 de novembro, a partir das 19.30 horas, na Casa Galega da Cultura (Praza da Princesa 2). No acto participarán Carme Adán (Directora do Centro de Documentación en igualdade e feminismo do Consello da Cultura Galega), Sabela Landín (Presidenta da Asociación de afectados do Essure de Galicia) e Chis Oliveira (Doutora en Educación afectivo-sexual).
O martes 26 de novembro, o Ateneo Atlántico prácese en presentar o filme documental Dónde vamos a vivir, Mujeres contra el deshaucio, de Georgina Cisquella. No acto, terá lugar a partir das 19 horas na biblioteca da EMAO, e ademais da directora, participará Amaia Vilas (Provivienda); actuará como presentadora Elvira Landín.
O cinemAteneo presenta o filme documental Inês, aquilo que nos une, de MJ Pérez.
A proxección terá lugar o mércores 27 de novembro, a partir das 19.30 horas, no Espazo Ateneo. Xunto con MJ Pérez estará Puri Silva, que actuará como presentadora.
Cidades inclusivas, Escala urbana e espazo público é o título da charla de Teresa Táboas que terá lugar o martes 3 de decembro na biblioteca da EMAO.
O libro seleccionado polo Club de Lectura do Ateneo Atlático para ler ao longo do mes de novembro é O azul entre o ceo e a auga, da escritora palestina Susan Abulhawa. A xuntanza terá lugar o mércores 4 de decembro, ás 18.30 horas, no local do Ateneo.
O Ateneo Atlántico presenta o acto Saber envellecer, Lonxevidade humana, da man de Miguel Ángel Vázquez e Cristina Villanueva. Terá lugar na biblioteca de EMAO o martes 10 de decembro a partir das 19.30 horas.
O luns 16 de decembro reunímos de novo, arredor dunha merenda, para celebrar a última merendola feminista deste ano. Será a partir das 18.30 no local do Ateneo. Nesta ocasión conversaremos arredor da violencia obstétrica. Non esquezades traer algo para merendar!