Club de lectura marzo
O libro proposto polo Club de lectura para o mes de marzo é As malas mulleres, de Marilar Aleixandre. A xuntanza terá lugar o mércores 3 de abril, ás 18.30 horas, no espazo Ateneo.
Atopáronse 8 eventos.
eventos
-
-
Espazo Ateneo Doutor Cadaval 17, Vigo, Pontevedra, Spain
-
Presentación libro, As escumas da letra
Biblioteca da EMAO Rúa García Barbón 5, Vigo, Galicia, SpainO Ateneo de Vigo presenta o libro As escumas da letra, Biobliografía de Luisa Villalta, escrito por Esperanza Mariño. A obra, organizada en dúas partes, presenta a vida e a obra da escritora coruñesa á que lle dedicamos o Día das Letras Galegas 24, Luisa Villalta. Terá lugar o mércores 9 de abril, a partir das 19.30 horas, na EMAO.
-
Antonio Rey Soto, Pioneiro do cine galego
Biblioteca da EMAO Rúa García Barbón 5, Vigo, Galicia, SpainSesión do cinemAteneo arredor da figura de Antonio Rey Soto e da técnica do Benshi. Contaremos con Manolo González, autor do libro O Benshi de Galicia. Proxectaremos fragmentos da película Viaje por Galicia (Luís R. Alonso, 1926) narrada ao modo Benshi por Toñi Caseiro. Presenta José Luís Mateo. Será o mércores 10 de abril, ás 19 horas, na Biblioteca da EMAO.
-
Banca Ética
Casa Galega da Cultura Praza da Princesa, 2, Vigo, Galiza, SpainO martes 16 de abril, ás 19.30 horas, no local da Casa Galega da Cultura poremos enriba da mesa o tema da Banca Ética. Mario Martínez Lorenzo falará sobre a Sabia, unha moeda social galega, mentres que Manuel Adame Moldes o fará sobre Fiare, modelo de banca ética.
-
Saída á comarca do Deza
Románico, Minería e Arquitectura no Deza. Saída o sábado 20 de abril para percorrer a comarca do Deza con visita ás igrexas románicas de Ansemil e Breixa, a Carboeiro, e ao poboado mineiro de Fontao, co seu museo da minería. A comida será en Vila de Cruces.
-
Segunda Merendola Feminista
Espazo Ateneo Doutor Cadaval 17, Vigo, Pontevedra, SpainDespois do éxito da primeira, a comisión de igualdade do Ateneo Atlántico invítanos a unha segunda merendola. Trátase, simplemente, de xuntármonos para falar dun tema que nos afecte directamente arredor dunha merenda que nós traemos. Dado que nos faltou tempo, pensamos en continuar a parolada arredor do tema da Sexualidade feminina. Animádevos a participar! E traede algo rico! Será o mércores 22 de abril, a partir das 18 horas no local do Ateneo.
-
Presentación libro, Xina Vega
Biblioteca da EMAO Rúa García Barbón 5, Vigo, Galicia, SpainO luns 22 de abril, ás 19.30, na biblioteca da EMAO, a nosa amiga e afiliada Xina Vega presenta con nós o seu último libro, O teu perfil na miña sombra (Diario dunha nai). No acto estará acompañada de Carme Adán, Inma López Silva e Marcos Calveiro.
-
A poética trasatlántica
Biblioteca da EMAO Rúa García Barbón 5, Vigo, Galicia, SpainA poética trasatlántica é o tema arredor do que conversan Alberto Avendaño e María Xosé Porteiro. O acto terá lugar na biblioteca da EMAO, o martes 23 de abril, a partir das 19.30 horas. Ademais, Alberto Avendaño recitará algúns dos seus poemas.