Este evento pasou.

Fala Viva, oralidade sen fronteiras. Ciclo de narrativa oral

Name: Fala Viva, oralidade sen fronteiras. Ciclo de narrativa oral
Start: 2026-10-01T19:00:00+02:00
End: 2026-10-01T21:00:00+02:00

1 Outubro / 19:00 – 21:00

O Ateneo Atlántico impulsa o ciclo de narrativa oral “Fala viva. Oralidade sen fronteiras” para contribuir á divulgación, valorización e transmisión da tradición oral galega ás novas xeracións, e explorando os seus cruzamentos coas formas expresivas máis contemporáneas. O ciclo desenvolverase do 8 de outubro ao 17 de novembro do ano 2026 na cidade de Vigo, principalmente os xoves ás 19.00 h. no salón de actos da sede da ONCE (r/ Gran Vía 16). Tamén haberá unha sesión o 26 de outubro en Pontevedra en colaboración co Ateneo de Pontevedra.

A oralidade é un dos fundamentos máis antigos e vitais da cultura humana. Máis alá da escrita, a palabra falada —narrada, cantada, recitada, improvisada— constitúe o primeiro canle polo que os pobos transmitiron a súa memoria, a súa identidade e a súa imaxinación. En Galicia, esta tradición oral é especialmente rica: desde as lendas e os contos populares ata a poesía dos trobadores, desde as cantigas de namoramento ata o contador contemporáneo que improvisa en escenario, a voz viva é portadora dunha herdanza irremprazable.

Mais a oralidade non é só patrimonio do pasado. No presente, asistimos a un renacemento e renovación das súas formas: o torneo de poesía (slam poetry), a palabra falada (spoken word), a narración urbana (urban storytelling), as improvisacións narrativas (jam sessions) ou as prácticas de lectura dramatizada conviven coas tradicións máis clásicas, xerando un ecosistema cultural plural e en permanente transformación. A narración oral do século XXI dialoga co dixital, co espectáculo e con novas audiencias que redescobren o pracer de escoitar.