Ateneo Atlántico – Libraría Librouro – Fórcola Ediciones
Presentación do libro
Manifiesto de la mirada
Antón Patiño
O Ateneo Atlántico, en colaboración coa Libraría Librouro e Fórcola Ediciones, presenta o libro Manifiesto de la mirada, de Antón Patiño.
O acto terá lugar o mércores 2 de maio, ás 20 horas, na libraría Librouro (Eduardo Iglesias 12, Vigo). Debaterán arredor do libro o propio autor, Carmen Hermo e Javier Buján, actuando como presentador Carlos Bernárdez.
‘Vivimos
no ruído do mundo, pero necesitamos antídotos fronte a saturación
visual: a nosa mirada ten de ser quen de chegar a espazos de silencio. Despois do seu ensaio Todas las pantallas encendidas. Cara
a unha resistencia creativa da mirada, Antón Patiño debuxa unha teoría
da imaxe sensible e ofrécenos este Manifesto de la mirada para facer da
nosa vida unha obra de arte. Deste xeito, centrándose na imaxe e a mirada, descríbenos as claves dos
procesos e resortes emocionais que configuran o feito creativo.A
arte é un sexto sentido de existencia e a imaxe sensorial apela a unha
experiencia creativa onde os sentidos se entrelazan para reinventar o
imaxinario. A
vida dos sentidos é o principal patrimonio que temos, e Patiño proponnos unha mirada expansiva capaz de albiscar o enigma do real, a
partir desta consigna vital: Mirada + Memoria = Visión. A acción artística activa unha decisiva enerxía transversal e configura sinestesias creativas. Poucos
espazos como o ámbito artístico asumen o risco da liberdade e a
estética como a aventura da mirada irrompe no cotián e remove a nosa
memoria, establecendo novos rumbos e trazando percorridos inéditos1. (Da ficha do libro na web de Fórcola Ediciones).