Comunicado sobre a nova tempada

Benqueridas amigas e amigos.

A
piques de entrar en outubro, e contra virus e marés, o Ateneo Atlántico
quere retomar a súa actividade en prol da cultura e a reflexión
compartida na cidade de Vigo.

Os tempos mandan, e toca reinventarse.

Non
vai ser doado, enfrontarémonos a unha actividade que será limitada por
necesidade, e con aforos reducidos, pero tentaremos que polo menos, e
aos pouco, empece de novo a ser .

Neste senso, aí van un par de cuestións relevantes.

1. Para
   empezar, vista a evolución do coroavirus, os límites na organización de
   actividades, e a reserva económica coa que conta o Ateneo, a Xunta
   Directiva, en sesión celebrada o pasado 14 de setembro, decidiu ampliar a
   todo este ano 2020 a supresión de cotas para toda a afiliación.
2. En breve realizaremos a presentación dunha pequena revista publicada
   polo Ateneo Atlántico que inclúe todas as achegas á supervivencia do
   Ateneo que vós mesmos fixestes durante as fases máis escuras do
   confinamento (poemas, relatos, haikus, fotos…). Veremos as opcións
   para que a presentación sexa o máis participativa posible. Enviaremos un
   exemplar da revista a todos os afiliados e afiliadas.
3. Actividades con vida propia -como o club de lectura–
   seguen a súa andaina sen novidade.Lembramos que o libro programado para
   comentar en outubro (xa notificaremos lugar, día e hora) é o clásico
   galego Adiós, María, de Xohana Torres.
4. Nos próximos días recibiredes no voso correo unha pequena enquisa sobre actividades-tipo a organizar polo Ateneo, nas que máis vos apetecería ou veriades viable participar.
   Para
   a Xunta Directiva é importante a participación na enquisa. Por unha
   banda pode darnos unha idea sobre a liña organizativa de actividades nos
   vindeiros meses, e, por outro lado, serviría de termómetro para pulsar a
   saúde de ánimos da nosa afiliación.
   Desde aquí, un primeiro agradecemento a todas as que participaredes que, sabemos, seredes maioría. Grazas de antemán.
5. Por último, dicirvos que, coma sempre, estamos abertas á máxima participación pola vosa parte.
   Aquí, agora, cremos que é criticamente imprescindible.
   Podedes mandarnos a este correo (ateneoatlantico@gmail.com)
   todas as propostas que consideredes oportunas. De modelos de
   actividade, de temas concretos a tratar, de receitas para animar a
   participación da afiliación, etc.
   Todas serán benvidas e estudadas con agarimo para ver de concretar a súa viabilidade e posta en marcha.

En fin, aquí estamos de novo.

Ou, mellor dito, aquí seguimos todas.

Cos
ánimos intactos para devolver o Ateneo ao punto que estaba en decembro
de 2019. Un punto unanimemente recoñecido e estimado na nosa cidade.

Unha aperta individual para todos e cada unha.

A Xunta Directiva do Ateneo Atlántico.