Realidades e mitos da IA

Mitos e realidades da Intelixencia artificial. Martes 14 de novembro, 19.30 horas, biblioteca da EMAO. Con Antonio Torrado. Presenta Luís Otero.

Intelixencia Artificial. Disciplina científica que se ocupa da creación de programas informáticos que executen operacións comparables ás que realiza a mente humana, como a aprendizaxe ou o razoamento lóxico (RAE).
Para falar dos mitos e as realidades que se están a xerar arredor da IA contamos con Antonio Torrado.

Chegará o día en que as máquinas serán máis intelixentes que os seres humanos?
As dúbidas xorden en moitas ocasións a partir dun malentendido subxacente no propio termo elixido para referirse a esta disciplina científica; cando se utiliza a expresión “IA” para falar dun ente artificial dotado de inteligencia, a polémica está servida. Entramos no mundo da ciencia-ficción.
No extremo contrario están os innegables e ás veces abrumadores avances nesas máquinas, ou mellor neses programas, quen de emular as diversas habilidades da intelixencia humana.
Os precursores, Kai-Fu Lee, falan da Intelixencia Artificial como dunha nova “electricidade”, un soporte quase enerxético quen de estar presente na realidade de hoxe en día.
Moitos dos produtos que empregan técnicas de IA superan xa as capacidades humanas: a máquina que gaña ao campión mundial de xadrez ou a excelentes xogadores de poker. Malia a estratosférica cantidade de bytes necesarios, as máquinas poden adquirir novos coñecementos, poden ‘aprender’.

Antonio Torrado

Antonio Torrado González, Porto do Son (A Coruña), 1969, é Socio e Director da área de Big Data e IA do Grupo SDG. Conta con máis de 24 anos de experiencia no sector da análise e xestión de datos a gran escala, acumulando 30 anos no sector Tecnolóxico. Dirixiu diversos proxectos de Datos, Analítica e Intelixencia Artificial para grandes empresas de todo o mundo utilizando tecnoloxías disruptivas e de innovación.
Antonio traballa directamente con cada cliente mediante análises avanzadas que converten Big Data en información útil e melloran a toma de decisións nas principais empresas nacionais e globais. Na actualidade, dirixe diversas áreas corporativas, entre elas as áreas de Tecnoloxía de Datos e Intelixencia Artificial, os SDG Innovation Labs, así como a fundación e desenvolvemento de SDG Galicia.
Comezou a súa carreira profesional en Gran Bretaña como Enxeñeiro de Deseño de Hardware para posteriormente desenvolver unha carreira no mundo dos datos con importantes empresas como Microstrategy e Hewlett Packard, ata incorporarse ao Grupo SDG en 2017 como Socio e Director do Big Data & Advanced Analytics. área. Antonio estuda Ciencias Físicas na Universidade de Santiago de Compostela, para completar os estudos de Física e Electrónica do Estado Sólido na Universidade Complutense de Madrid. En 2002, realizou un Máster en Automatización pola Universidade do País Vasco.