O vindeiro martes 28 de febreiro temos unha nova cita co cine. Dentro do modelo que temos chamado Unha película con, invitamos ao actor e escritor Manolo Romón para que comparta con nós o seu cine favorito. A película que veremos, proposta por Manolo, é A pirámide humana, de Jean Rouch.
Nova sesión do cinemAteneo do Ateneo Atlántico con sesión dobre para conmemorar o 8 de marzo. Poderemos ver, e comentar, as películas A las mujeres de España (María Lejárraga) e a curtametraxe Matria, de Álvaro Gago.
Será o mércores 15 de marzo, ás 19.30 horas, nos Multicines Norte.
Río de sombras, de Daniel Domínguez, é a película seleccionada por Fernando Franco para compartir co Ateneo Atlántico. Será o vindeiro mércores 29 de marzo, ás 20 horas, no local do Ateneo na rúa Doutor Cadaval.