Cargando eventos
  • Este evento pasou.

« Todos os eventos

Unha peli con… Roi Cagiao

19 Marzo / 19:15 21:00

Dentro do marco da proposta do cinemAteneo ‘Unha peli con…’, o convidado para participar o vindeiro 19 de marzo é o director Roi Cagiao (Vigo 1972, 2017). Roi proponnos compartir a película ‘Operación Ogro’ (Gillo Pontecorvo, 1979). A proxección, co correspondente coloquio, terá lugar o martes 19 de marzo, no espazo Ateneo, a partir das 19.15 horas.

2024-03-19 PeliCon RoiCagiao
Operación Ogro
  • Título orixinal: Operación Ogro
  • Dirección: Gillo Pontecorvo
  • Protagonistas
    • Gian Maria Volonté
    • José Sacristán
    • Ángela Molina
    • Eusebio Poncela
    • Ana Torrent
  • Guión: Ugo Pirro, Giorgio Arlorio, Gillo Pontecorvo
  • Música: Ennio Morricone
  • Duración: 100 minutos
  • Produción Hispano-Italiana

“Operación Ogro” é unha coprodución hispanoitaliana. Un filme da transición sobre a transición que narra, con mestría e un realismo por momentos próximo ao documental, un dos episodios paradigmáticos do tramo final do franquismo: o atentado contra Carrero Blanco.
Pese a contar con actores e actrices españois de gran popularidade (Eusebio Poncela, Ángela Molina, Ana Torrent e José Sacristán), é un filme relativamente pouco coñecido para o gran público. Con dirección de Gillo Pontecorvo e música de Ennio Morricone “Operación Ogro” é o retrato dunha época, e do compromiso militante e xeito de facer dos cineastas da mesma.

Roi Cagiao (visto por Roi Cagiao para a ocasión)

Como documentalista levo realizado ata o momento tres longametraxes (“1972”, “O meu nome é Luis “Ferreiro” e “Vigo 1972”). Todas elas versan sobre a loita antifranquista galega no tramo final da ditadura franquista.

Creo que a miña fascinación por esa etapa vén da posibilidade de convivir con pesoas que participaran desa fase de loita tan dura; que manifestaron un tremendo heroismo nesa loita, que viviron e viven conforme a uns ideais firmes de xustiza e transformación social. Quen non podería conmoverse ante xente así?

Por outra banda, os conflitos sociolaborais desa época foron o escenario onde se produce a metamorfose na mentalidade dos meus pais, procedentes do campo; cambiaían para sempre a súa visión do mundo nun sentido dialéctico, progresista e militante; visión que eu dalgún xeito herdei, a orixe do meu pensamente está aí.

“Operación Ogro” é unha película que me parece marabillosa, sobre unha etapa que me encanta. Está contada con gran mestría, cunha estruturación temporal e rítmica moi audaz, e unha aproxiamación aos feitos realista, ata certo punto obxectiva, de estética autera pero cargada de humanidade…

Gilo Pontecorvo, o seu director, é o autor dun dos meus filmes favoritos “A batalla de Alxer” e dalgunha forma, xunto con outros como Cortázar, Benedetti ou Montalbán, un referente do artista comprometido co seu tempo, sensible aos problemas e sofrimentos da humandiade.

Espazo Ateneo

Doutor Cadaval 17
Vigo, Pontevedra 36202 Spain
+ Google Map
696 856 947
Ver a Páxina Web do Recinto