Unha peli con… Emilio Fdez. Zunzunegui

Nova entrega da actividade Unha peli con…
Neste caso, Emilio Fernández Zunzunegui presenta e comenta unha das súas películas preferidas: Léolo de Jean-Claude Lauzon. A proxección terá lugar o mércores 24 de maio, ás 19.45 horas, no noso local da rúa Doutor Cadaval.

Léolo é un neno de imaxinación desbordante que vive coa súa peculiar e detestable familia nun humilde barrio de Montreal. Para fuxir desta odiosa contorna, Léolo inventa un mundo imaxinario e surrealista onde se fai chamar Léolo Lozone (no canto de Leo Lauzon, o seu nome real) e asegura que naceu do Sol ou dun tomate fecundado por un italiano. Só as intensas emocións provocadas polo espertar á adolescencia salvaranlle da tolemia á que se ve abocado.

• Léolo
• 1992
• Duración 107 min
• País Canadá
• Dirección Jean-Claude Lauzon
• Guión Jean-Claude Lauzon
• Música Richard Gregoire
• Fotografía Guy Dufaux
• Con Maxime Collin,Gilbert Sicotte,Ginette Reno,Julien Guiomar

Entre outros premios, Léolo foi acreedora de:

• 1992. Espiga de Ouro do Festival de cine de Valladolid.
• 1992. Festival de Cannes: Nominada á Palma de Ouro
• Prix Génie (Canadá): Mellor Guión Orixinal, Mellor Montaxe, Mellor Vestiario
• Toronto International Film Festival: Mellor Película Canadiense
• Vancouver International Film Festival: Mellor Guión Canadiense