Presentación: Poemario Luísa Abad

O Ateneo Atlántico de Vigo prácese en organizar a presentación do último poemario da nosa presidenta, Luísa Abad. O libro leva por título Sereas afónicas e está editado pola editorial Elvira.
Acto: Presentación do poemario Sereas afónicas de Luísa Abad. Quen? A autora estará acompañada pola escritora Xina Vega e por Xabier Romero, director da editorial Elvira; a parte musical correrá a cargo de MJ Pérez, e a presentación será da man de Amada Traba. Cando? O martes 10 de xuño, a partir das 19.30 horas. Onde? Na biblioteca da EMAO (García Barbón 5).

Luísa Abad

María Luísa Abad Abad (A Coruña, 1951), é unha mestra, asesora de educación infantil, divulgadora didáctica, especializada en coeducación, orientadora escolar e escritora galega. Tras catro anos de secretaria do Ateneo Atlántico de Vigo, dende abril de 2023 é a presidenta da asociación.

Iniciou estudos de Filosofía e Letras na USC, licenciándose en Pedagoxía na Universidade de Barcelona; exerceu como mestra de primaria en Galicia e Barcelona e como orientadora escolar en secundaria no CIFP Valentín Paz Andrade (Vigo), onde participou nos programas europeos Leonardo da Vinci e Sócrates_Comenius, e no IES Menéndez Pidal (Zalaeta, A Coruña). Foi asesora de Educación Infantil e coeducadora no CEFORE (Centro de Formación do Profesorado) de Vigo. Na Universidade de Salamanca preparouse como Formadora de Formadores en Educación Infantil.

Deseñou e implementou o apartado de coeducación no Plan de Formación do Profesorado de primeiro tramo de Educación Infantil das Galescolas. Foi compoñente durante 10 anos do Consello de Redacción da revista IN-Fancia, educar de 0 a 6 anos, editada pola Asociación de Rosa Sensat. No 2004 recibiu o premio da Consellería de Educación á innovación educativa polo traballo “Alertando da violencia de xénero”.
Participou nos Programas da Televisión de GaliciaPreescolar na casa nº 207 e Nin máis nin menos.
Tras unha vida dedicada á docencia, na súa xubilación continúa a impartir relatorios de educación afectivo-sexual e coeducación e a escribir poesía.

Ten numerosas publicacións profesionais tanto en galego como en castelán e catalán.

• “Relacións familia-escola”, Fardela, CEFOCOP, Ourense nº 1, (pp. 10-11). 1995.
• “As mulleres e o deporte: unha carreira de obstáculos”. Festa da palabra silenciada, ISSN 1139-4854. Nº. 12, 1996, pp. 73–74.
• Coeducar na educación infantil. Con María Isabel Aguilar. Edicións Xerais de Galicia, 1996. ISBN 84-7507-995-4.
• “¿Lectura e escritura na escola infantil?”, Revista Galega de Educación nº 29, ISSN: 1132-8932.1997.
• “Camiñando cara a autoavaliación: nenas e nenos responsables do seu proceso de aprendizaxe”. Revista Galega de Educación nº 31, Vigo ISSN: 1132-8932, abril de 1998, pp 73–74.
• “Anén-onén: xogando en igualdade na escola infantil”. Colección de Igual a Igual nº 3, Concellería da Muller do Concello de Vigo, marzo de 2003.
• “A igualdade como solución”. Servizo Galego de Igualdade, Xunta de Galicia. Con Azucena Arias e outras. 2006. ISBN 84-89679-82-7
• Manual para coeducar na Educación Infantil. Ed. Xerais. 2008. Vigo. 978-84-9782-884-0.
• “Milenium: outros modelos cos que identificarse”, Festa da palabra silenciada nº 25, Vigo, 2009, pp 162-164. Con Mercedes Oliveira.
• “Datas e datos para lembrar en pé de igualdade… e non esquecer o resto do ano”. Concello de Vigo. Área de Xuventude, Igualdade e Normalización Lingüística. 2011. Con Mercedes Oliveira e Esther Mato.
• “A coeducación en Galicia. Breve historia e retos actuais”. Grial nº 236 pp. 152-155. 2022. ISSN 0017-4181.

• “¿Como preparar la primera entrevista con las familias”. El Magisterio, p. 12. ISSN:1131833. set. 1996. Madrid.
• “¿Para Elena un tren y para Juan una muñeca?”. Infancia: educar de 0 a 6 años, ISSN 1130-6084, Nº 36, 1996, pp. 28–31.
• “Mafalda no quiere ser top model”. Con Azucena Arias Correa. Aula de innovación educativa, ISSN 1131-995X, Nº 50, 1996, pp. 45–48.
• “Niñas y ciencia”. Con Azucena Arias Correa. Cuadernos de Pedagogía, ISSN 0210-0630, Nº 273, 1998, pp. 18–21.
• “Género y Educación”. La escuela coeducativa, Ed Graó. 2002. Con Azucena Arias Correa e outras.
• “Las formadoras de educación infantil: de ayer… a hoy”. Con María Adoración de la Fuente. Infancia: educar de 0 a 6 años, ISSN 1130-6084, Nº. 80, 2003, pp. 24–27.
• “Niños jugando a “juegos de niñas””. María Luisa Abad Abad. Aula de infantil, ISSN 1577-5615, Nº. 78, 2014, pp. 42–43.
• “Educar con perspectiva de género en el segundo ciclo”. Aula de infantil, ISSN 1577-5615, Nº. 75, 2014, pp 18–21.
• “Nens que juguen a “jocs de nenes””. Guix d’infantil, ISSN 1577-5623, Nº. 78, 2014, pp. 42–43.
• “Educar amb perspectiva de gènere al segon cicle d’educació infantil”. Guix d’infantil, ISSN 1577-5623, Nº. 75, 2014, pp. 18–21.

Ademais de participar con numerosos relatorios en actividades de educación infantil e igualdade, tamén ten unha boa chea de colaboracións entre as que podemos destacar:

• “II Plan Municipal para a Igualdade de Oportunidades e de trato das mulleres de Vigo” (2003-2004). Concellería da Muller do Concello de Vigo, febreiro de 2003. Con Mercedes Oliveira, Amada Traba e Luz Varela.
• “¿Ata-cando? Actividades sobre a violencia de xénero no IES Paz Andrade de Vigo”. Escola do Faro nº 80, Faro de Vigo, xan. 2004.
• “Contra os malos tratos Actividades sobre a violencia de xénero no IES Paz Andrade de Vigo”. Escola do Faro nº 101, Faro de Vigo, Xan. 2005.
• “Maltrato entre iguais” Programa de sensibilización sobre o maltrato entre iguais. Xunta de Galicia. 2005.
• “No sexo, guíate ben”. Vicepresidencia da igualdade da Xunta de Galicia, e distribuída nos centros Quérote de información afectivo-sexual para a mocidade. 2006. Con María Xosé Bravo e Carme Vilariño.

A partir de 2015, e sen deixar de lado as outras actividades, dedícase, tamén á poesía. Ademais do poemario que hoxe presentamos ( Sereas afónicas, Ed. Elvira, 2025), tamén cómpre salientar:

• O punto de maduración, 2015, edición agasallo, 125 exemplares, A Coruña.
• Limaduras de prata. 2017. Autoedición a favor da ACEC, A Coruña, un conxunto de poemas que relatan as percepcións e sentimentos que experimentou durante o tratamento do seu linfoma.