Presentación. Avelino Cabezas e os seus irmáns

O Ateneo Atlántico de Vigo prácese en presentar o libro Avelino Cabezas e os seus irmáns. Un relato de Narón, de Antón Seoane. Quen? Antón Seoane estará acompañado de Carlos Méixome. Cando? O luns 9 de xuño, a partir das 19.30 horas. Onde? No Espazo Ateneo (Doutor Cadaval 17)

Cinco irmáns, unha saga emigrante ao Mar del Plata. O pioneiro, Avelino, marcha só, e con trece anos. Irán chegando os outros irmáns que pola gracia dos “deuses” están dotados dunha xenialidade comercial insólita, sobresaíndo,(de modo recoñecido, nas citas universitarias de hoxendía), como innovadores e creadores dunha publicidade nunca antes vista.
Historia dunha emigración atípica, sorprendente. Dende a causa da marcha ao éxito acadado e o recoñecemento social da capital porteña, cosmopolita e emprendedora, tal como o deixaron por escrito, en catro idiomas, as multiples publicacions daquela época. Por debaixo de este relato exitoso, flúe outro no que se mestura a dor emocional de por que marchar, a intriga relacional dos caracteres ben distintos dos protagonistas, a implicación con Galicia, a desgraza imprevista para arribar a un final , mezcla de thriller e vodevil. A emigración insólita.

Antón Seoane

Nace no Ferrol no 1949. Remata Mediciña no 1972. Fixo a especialidade de Psiquiatria, que aínda exerze. Foi membro do “Circulo Lacaniano” de Vigo.
Neto de Antonio Seoane, director entre 1900 e 1920 de “Airiños da Terra”, agrupación musical ferrolá, da que nacería “Toxos e Froles”, empezou a interesarse pola música aos nove anos, primeiro piano, despois guitarra. Entre 1973 e 1978, xunto a outros compañeiros, crea o MPCG:Movimento Popular da Canción Galega, alternativa de corte nacionalista as Voces Ceibes; nese periodo colabora en multiples proxectos con Rodrigo Romaní, Emilio Cao, Pilocha, Faiscas do Xiabre, está na creación do grupo Roi Xordo xunto a Xico de Carinho, se compromete de maneira decisiva coa recuperacion da Zanfona, conseguindo a súa recreación xunto o artesán Guillermo Alvarez, participa na gravacion do disco de Emilio Cao “Fonte do Araño”, grava xunto a R.Romaní e Pepe Ferreirós o disco “Milladoiro”, grava xunto a R.Romaní e Faiscas do Xiabre, o disco “In Memoriam”, etc, ata que en outono de 1978 sería un dos membros fundadores do grupo Milladoiro, grupo no que estivo ininterrumpidamente ata febreiro de 2013.
Ademais da súa producción como membro de Milladoiro fixo outras de caracter independente: Creación do disco “Calamidá Sentimental” coa voz de Pilocha, sobre poemas de autoras galegas. Co productor musical xunto a Nando Casal do disco de Leilia “I é verdade i é mentira”, creación do tema central “Foi coma un soño”, para a pelicula “O lapis de carpinteiro” dirixida por Antón Reixa, participación no disco “Escarnio” do mesmo autor, creación do disco “Lambón”, coa participación de Pilocha, Laura Amado, “Maestro Reverendo” e “Daquidarria”, disco con cancións para cativos, creación do disco “A volta dos nove”,coa voz de Pilocha e Anxo Angueira, e que acompañaba o libro homenaxe aos nove asesinados en Baiona polos falanxistas ao comenzo do golpe de estado do 36.
Outras produccions “atipicas”: coautor do libro “Conxo manicomio e morte”, coordinador do disco “Antoloxia Completa de Faustino Santalices”, editado por Boa, autor da primeira Biografia de Faustino Santalices, editada por Ir Indo.
(Da ficha do libro en Ed. Galaxia)