Olga Novo no Club de Lectura

Encontro con Olga Novo

O libro do club lectura de xaneiro de 2022 foi Feliz Idade, de Olga Novo.
Daquela tiñamos prevista a súa presenza, pero, por diversos motivos, non puidemos celebrar a xuntanza.
Hoxe, por fin, logramos axustar axendas e podemos anunciar con moita felicidade a visita de Olga Novo ao club de lectura do Ateneo Atlántico.

O acto terá lugar o mércores 4 de xaneiro, ás 18.30 horas, no local do Ateneo (rúa Doutor Cadaval).
Na xuntanza, que estará aberta ao público en xeral, Olga recitará para nós algúns dos poemas da súa Feliz Idade.

Lembramos que Feliz Idade é unha obra mestra da poesía galega contemporánea; gañadora do Premio Nacional de Poesía 2020, do Premio da crítica española, do Premio da crítica galega e do Premio da Gala do libro galego.
Na acta, o xurado do Premio nacional de poesía destacaba que estamos ante un “relato vitalista que celebra o amor e a existencia máis aló do tempo”, que establece unha ponte entre “a maternidade e a morte cunha fonda presenza crítica da memoria histórica”.